هه‌میشه من ، ئه‌مجاره‌ش تۆ
تا نازی قومری له ده‌نگت ده‌ڕژێ
هه‌ر چی ئاوازی ته‌مه‌نته
له پاییزه‌وه
تا ڕه‌نگی نازه‌نینی هه‌نار
گریان .
وه‌ستاوه له قوڕگی خه‌یاڵا
شیوه‌نی ترێ
میوانی خاک و گه‌ڵایه شه‌رابی ده‌نگ .
خه‌مباری خۆن موبته‌لایانی به‌هار
که باڵی قه‌ل
شکۆفه‌ی فڕینه و
قومری له باخه‌کانی ڕه‌نگدا
به‌رد .
په‌رده به په‌رده
ده‌کرێته‌وه سه‌رابی ده‌نگ
له خه‌ونی چاوه‌کانتدا
که زه‌ردن و
گه‌ڵاش نین .
+ نوشته شده در ساعت توسط فه‌ریدوون ئه‌رشه‌دی
|
ئه‌گه‌ر هه‌ر که‌س به قه‌ده‌ر زانستی خۆی قسه‌ی ده‌کرد، دونیا چه‌ند ئارام و بێده‌نگ ده‌بوو .