هێمن و کاریگەریی لە سەر شیعری ئەوڕۆی  رۆژهەڵاتی کوردستان

 

دەوری هێمن لە شیعری ئەمرۆژی رۆژهەڵاتی کوردستان دا چی بووە و  لە چ  شێوازێک لە  دەقی شیعری دا  دەتوانین  کاریگەرییەکانی ببینینەوە ؟

 (( رووداوێکی زۆر سەیر ئەوەیە کە ئەم پرسیارە ، سێ شاعیر : ( سەیف ،،هێمن،،سوارە ) کە بە نوێکەرەوەی سێ قۆناخی شیعری لە رۆژهەڵاتی کوردستان دا ناسراون  ، دەگرێتەوە )).

بە بۆچوونی من ئەم چەند هۆیە دەتوانێ کاریگەری هێمن لە شیعری ئەمرۆی کوردی لای ئێمەدا( ڕۆژهەڵات) کەم یان ون و نادیار بکات :

 

١..نەبوونی زمانێکی ستانداری کوردی لە رۆژهەڵاتی کوردستان و قەدەغەبوونی خوێندن و نووسین بەو زمانە

٢.. ئاشنا نەبوونی خوێنەر بەو زمانەی کە نووسەر کارەکانی پێ نووسیوە ،( کوردیی سۆرانی )،بە تایبەت لە ناوچەکانی  خۆی و سەلماس و ماکۆ و دەوروبەری  گۆلی ورمی و سنە و  کرماشان و ئیلام. لەبەر ئەوەی خوێنەری کوردی رۆژهەڵاتی کوردستان،بە هیمەتی خۆی فێری زمانی کوردی دەبێ  ، زۆر درەنگ و بەزەحمەت دەتوانێ  خوێندەوارییەکی سیستماتیکی لە زمانەکە هەبێ .

٢: نەبوونی دەق لەبەردەستی خوێنەردا و کەمترئاشنابوونی بە  لایەنە شاراوەکانی نووسراوەکە : لە باری  موسیقایی و مانایی و هاوپێوەندی و هاونشینی وشەکان و باری کلتووری و فەلسەفی و سرووشتی و...

٣...نەبوونی دەق و پەنا بردن بۆ کەرەستەکانی تری هونەری زمانیی ، بۆ نموونە ( گۆرانی) و هەست کردن بەوەی کە لەگەڵ  شیعری فڵانە شاعیردا ئاشنایە( ناسری رەزازی و ماملێ و..لە گەیاندنی شیعری هێمن بە خەڵک زۆر کاریگەر بوون )

٤...مەودای ئێجگار دیار و بەرچاوی زەمانیی نێوان گەیشتنی بەرهەمی هێمن و( سوارە و سەیف و،،)  بە خوێنەری جیدی   و تێگەیشتنی نووسەری رۆژهەڵاتی کوردستان  لە زمانەکەیان

٥.. تێپەڕ  بوونی  مەودایەکی زەمانیی  بەسەر شێواز و فۆرمی نووسینەکانی هێمن  دا (سوارە و سەیف و..) و  ئەو شێوازە باوەی کە لە ناو لاوەکاندا باو بوو، یان خەریک بوو دەبوە باو

٦..نەبوونی بڵاو کراوەی ئازادی کوردی و کز بوونی لایەنی رەخنە و شرۆڤەی کوردی  بۆ گەیاندنی  لایەنە زمانی، فۆرمی و جوانیناسییەکانی شیعری هێمن بە خوێنەری جیدی( شاعیران)

٧..زاڵ بوونی زمانی فارسی و  بەرهەمی شاعیران و رەخنەگرانی  فارسی نووس و کارییگەریی حاشاهەڵنەگری  بڵاوکراوەکانی فارسی و لەو رێگایەوە هاتنی تیۆریی ئەدەبیی وەرگیراو و،،،بۆ ناو تویژی تازە خوێندەواری رۆژهەڵات (لە نەبوونی بڵاو کراوە و رەخنە و تیۆریی ئەدەبیی کوردی  دا )

٨..غەزەلی نوێی فارسی و کاریگەری لە سەر شاعیرانی غەزەلنووسی خۆمان کام دەرفەتی هێشتەوە کە  غەزەل و مەسنەوی و لە نەهایەت دا چوارخشتەکەییەکانی هێمن ، لە رەوتی شیعری پاش خۆیدا ، درێژە بدرێ و نوێ بکرێتەوە

بە پێی ئەم هۆکارانە  دەبێ وا بزانین کە دەور و کاریگەری هێمن لە  سەر زمان و خەیاڵ  و داڕشتنی شیعری ئەوڕۆی رۆژهەڵاتی کوردستان زۆر زۆر کەمە..

ڕای ئێوە چییە؟!